clayo awards

I rap

2009-03-12T09:15:00.000-07:00

Ay! May nakalimutan pala kaming ikwento tungkol kay boss sa Tagaytay. May ilan namang panahon na gising siya.

(I-rap niyo po, pinagsikapan naming lagyan ng indayog at itugma)

Sa isang diskusyonan
Kung saan pinagusapan
Ang mga dapat gawin
Ng mga namumuno.

Tinanong ni Dalawa
Kung ano ba talaga
Ang trabaho ni boss
Sa paggawa ng JOs

Hindi daw niya alam
Kung saan ba talaga
Pumapasok si boss
Sa trabahong ginagawa

Ang sinabi daw ni boss
Na kung akala mo ay diyos
I don’t know what you mean
I am always in my room

If you need me just call me
Or schedule it with Tess or Esmie
If you need me just call me
Or schedule it with Tess or Esmie

Yo!

Isang mahabang irap ang nakuha niya sa presidente sa sagot niyang iyon. Hindi lang namin alam kung nakuha niya ang ibig sabihin ng pagtingin sa kanya ng ganoon.

Nepo mart at Kodak moment

2009-03-12T09:12:00.000-07:00

Pasensiya na’t medyo hindi naming naikwento ang mga tungkol kay boss noong nakaraan, ang dami kasing nangyari. Ituloy natin ang mga naganap sa Tagaytay.

Nagulat ang mga tao ng makarating sila sa Tagaytay dahil may isang ‘di kilalang taong naroon din. Maya maya’t ipinakilala siya. Siya raw si Dingdong San Lorenzo, ang bagong mamumuno sa departamento ng digital at design na naikwento ng Presidente nung huling pagpupulong. Galing siyang Gay Wally Samson, isa pang ahensiya. (Balita namin ay hindi niya nakasundo ang boss niya dun kaya siya umalis)

Ang hindi sinabi sa pagpapakilala ay siya ay pamangkin ng yumaong chairman ng ahensiya. Sa madaling salita, pagkatapos mag-“right size” and presidente ang mga bagong empleyado ng ahensiya ay ang kapatid ng presidente at ang pamangkin ng may ari. (Sa alam namin ay bawal kumuha ng mga bagong empleyado kapag nagtakda ng redundancy, nguni’t tulad ng nasabi namin, hindi po kami abogado. Bukod dun, diba nepotism iyon?)

Pero, ibalik natin sa planning session. Napansin ng mga tao na tuwing may diskusyon ay parating may naisasabi si Santa Claus. (kung hindi ninyo maalala, siya ang bff ni boss sa ahensiya) Puro siya “oo, tama” at “magandang idea yun”. Hindi nila mapigilang isipin na pumepwesto talaga si Santa sa mga ibang namumuno. Tila alam niya na medyo tagilid na ang sitwasyon ni boss kaya’t kailangan niyang humanap ng bagong kasabwat.

Alam namin na sinabi namin na ikukwento naming ang tungkol kay boss. Wala po kaming maikukwento dahil siya po ay nakaupo sa likod at umiidlip (tulad ng nakasanayan na sa opisina.)

May kasabihan na “a picture is worth a thousand words”.

Isa pang pagpapaalam

2009-03-08T08:00:00.000-07:00

Pagkatapos ng kapulungan ay magkakaroon ng “planning session” sa Tagaytay ang mga namumuno sa ahensiya. Dito unang lumabas ang balita na may isa pang empleyadong aalis.

Ang may kasalanan naman nito ay ang HR. Ganito kasi ang nangyari.

Ayaw daw gumastos ng presidente para sa pagpaupa ng sasakyang gagamiting papunta sa Tagaytay para sa naturing “planning session”. Makisabay na lang daw ang mga tao sa mga magdadala ng sasakyan.

Habang ipinaplano ito ay naitanong ng isang tao kung kanino sasabay si Miss Quiambao dahil may lugar pa sa kanyang sasakyan. Nagulat na lang siya ng sagutin ng HR na hindi daw yun sasama dahil nagbitiw na daw. Pero ang katotohanan ay wala napadalang kasulatan si Miss Quiambao kahit kanino sa ahensiya tungkol sa kanyang pagbibitiw.

Nang malaman ni Miss Quiambao ito ay sumama ang loob niya. Ang kaisaisang pinagsabihan niya ng kanyang pagbabalak na umalis ay ang presidente lamang. Ang ibig sabihin ay kinuwento ng presidente ito sa ibang tao at dito nagsimula ang pagkalat ng chismis.

Talagang malungkot siya sa mga pangyayari dahil sa haba ng kanyang pagsisilbi sa ahensiya at sa kanyang mga pinaggagawa para sa ahensiya (siya ang may hawak ng malaking bahagi ng negosyo ng ahensiya) ganito lang pala ang magiging pagtrato sa kanya.

Lalo pa’t nung pamaskong pagpupulong ay ni walang banggit tungkol sa kanya habang may inihandang palabas para kay Juday (ang namumuno sa paghahanap ng bagong negosyo para sa ahensiya na siyang naging katulad ni boss sa pagiging talunan sa lahat ng pitch sa buong taon) na siya ring aalis.

At nasundan pa ito ng isang salu-salo sa Fresher Place para kay Juday muli, habang si Missa Quiambao ay iniwan sa kangkungan.

Ay nagiiba na ang usapan, ibabalik naming kay boss sa susunod na kabanata.

Isa pang pagpupulong

2009-03-08T07:58:00.000-07:00

Marami nang pangyayaring nasisiguro naming nabalitaan niyo na pero ikukwento pa rin namin dito.

Pagkatapos masesante ang ilang tao sa ahensiya dahil sa “right-sizing” ay nagtawag uli ng pulong ang presidente. Malubha na kasi ang damdamin ng mga tao sa ahensiya. Nais raw niyang linawin ang mga pangyayari noong nakaraan. Sinabi niya na wala na raw ibang masesesante pansamantala.

Ipinahayag rin niya ang mga plano niya para sa ahensiya sa mga darating na panahon. Kasama dun ang balak niyang pagpapatayo ng departamentong pang digital at design. Hindi namin alam kung pamumunuan pa rin ito ni boss. Dahil sa takot ng mga taong paginitan sila at i-“right-size” din, walang gustong magtanong.

Bumalik sa isip nila ang mga binitawang salita ng presidente sa nakaraang pagpupulong na sa pag “right-size” ng ahensiya ay may ilang masesesante at ang mga kontrata ng mga contractual na empleyado ay hindi babaguhin.

E ang kapatid ng presidente ay contractual na empleyado at ang bali-balita ay ililipat daw siya duon sa departamento ng design. Ang ibig sabihin ba ay binabawi niya ang sinabi niya na lahat ng kontrata ng mga contractual ay hindi babaguhin?

Walang nagawa si boss tungkol dito (kung meron man siyang balak) dahil desisyon nga ito ng presidente.

Wala po kaming kilalang abogado kaya’t hindi naming alam kung ito ay maaaring gawing kaso ng mga nasesante.

Pasensiya

2009-01-08T09:39:00.000-08:00

Pasensiya na't medyo hindi kami nakapag-update noong Disyembre. Kakabalik lang kasi namin galing sa ******* (kala niyo sasabihin namin no?).

Hindi po kami bumili ng isang kilong foundation para itago ang mga pekas sa mukha. Marami lang talagang trabaho pag hindi nawawalan ng kliyente. Sa totoo lang, kaya kami nawala ay dahil may ginawa kaming regional na patalastas. Panoorin niyo na lang, kakapalabas lang nung linggo. (Ganda ni ****** no?)

Hayaan niyo't babawi kami. Heto itutuloy muna namin ang kwento.

Noong a-13 ng Nobiyembre ay nagtawag ng kapulungan ang presidente. Dito ay ipinahayag niyang may mga kliyenteng lulurong sa ahensiya. Ang mawawalang negosyo daw sa ahensiya ay nasa P100M kaya kailangan daw mag-"right size" (nagpapauso lang po siya ng 'buzzword') ang ahensiya. Last-in-first-out daw ang magiging patakaran sa pagpipili ng mga masisisante.

Noong a-14 ay isa-isang kinausap ng HR ang isang creative director at tatlong art director. Sinabihan sila na iyon na raw ang kanilang huling araw at kailangan nilang mag-impake ng kani-kanilang gamit at ibalik sa opisina ang mga nararapat tulad ng mga ID atbp.

Noong hapon ay kinausap ni boss ang mga nasisante at sinabing wala raw siyang magawa dahil desisyon yun ng presidente at wala raw siyang kinalaman dun.

Nang kumalat na sa mga tao kung sino sino ang nasisante ay nagtaka sila. Sabi kasi ng presidente na "last in first out" pero kung pagmamasdan ang pagkakasunodsunod ng pagpasok ng mga art director ay may nilaktawan na isang art director (itago natin sa pangalang Aida , isa sa mga inuutusan ni boss na gumawa ng mga scam ad niya). Mas lalong sumama ang loob ng mga tao sa malinaw na pagsisinungaling ni boss.

Nagusap-usap ang iba sa mga tao at napagkasunduang maginuman pagkatapos ng trabaho para panandalian man lang ay malimutan ang kalungkutan. Habang nagiinuman ay nagulat sila ng makita nilang parating ang magkatambalang alaga ni boss. (Itago natin sa pangalang Cory at Mike. Kung mahulaan niyo kung bakit mag-comment kayo, baka may premyo). Hindi nila alam kung bakit dumating ang tambalan dahil hindi naman ito imbitado.

Gayon pa man ay inalok pa rin sila ng serbesa. Makalipas ang ilang sandali ay may mas malaking sorpresang naghihintay. Nakita nila si Cory na may kinakawayang taong pinapalapit. Bumagsak ang mga baba nila nang makita nila kung sino.

Si boss.

Nang inanyayahan ni Cory na sumama sa inuman, iba iba ang mga reaksyon ng mga tao. Ang isa ay sumakay sa kanyang motorsiklo at humarurot paalis. Ang nakararami ay lumipat sa katabing inuman. Walang kumakausap kay boss kundi ang tambalan. Tila napansin ni Cory ito at linapitan niya ang iba't ibang tao at humiling na kausapin naman nila si boss. Nguni't walang may gusto.

Hindi namin alam kung nahuli ni boss ang dinaramdam ng mga tao pero hindi tumagal ay umalis siya. At mayamaya ay sumunod na rin ang tambalan.

Siguro talagang hindi maisasalin sa ingles ang delikadesa.

Ma-leak ka

2008-11-26T07:31:00.000-08:00

Kasama si boss sa isang pagpupulong ng mga na ex-com ng ahensiya nung a-10. Lunes yun. Bago pa man dumating ang tanghali ng huwebes, maraming taga-ahensiya ang nakatanggap ng mga text message tulad nito:

"Is it true that (ang ahensiya) released yesterday the list of people to be retrenched? What happened?"

"True ba that 25% of (ang ahensiya) workforce will be laid off?"

Ang iba naman ay tinawagan sa celphone at tinatanong tungkol sa nasabing chismis. Ang mga taga-ahensiya ay hindi masagot ang mga tanong dahil wala naman silang alam dun. Ang alam lang nila ay nagtawag ng general assembly ng 4:30 ng hapon na iyon ang presidente.

Nang imbestigahan ang pinanggalingan ng chismis, ang kinalabasan ay naibalita raw ito sa isang may-ari ng ahensiya na itago natin sa pangalang Dolce & Gabana (siguro naman kilala ninyo kung sino ang kaisa-isang kaibigan ni boss sa buong bansa). At ang sabi daw ni Dolce ay si boss daw ang nagkwento sa kanya.

Sa madaling salita, inuna pa ni boss ibalita sa isang taga-industriya kaysa mga tao niya mismo. Kaya tuloy mas nauna pang nalaman ng mga taga-industrya na may mawawalan ng trabaho sa ahensiya kaysa mga tao niya mismo.

Ang tanong namin ay, tama bang ikwento ang balitang ganito (na dapat hindi pinaguusapan sa labas ng ex-com) sa ibang tao, lalo na't sa isang taga ibang ahensiya? Iyon ba ay likas na gawi ng isang tunay na pamuno?

Sa pananaw namin, Mali ka boss.

p.s.
Nabalitaan namin na nagtawag na naman ng general assembly ang presidente ng alas-10 ng umaga bukas. May mga kakalat na naman kayang mga text message bago mag alas-10?

Bravo!

2008-11-18T03:28:00.000-08:00

Dahil may nagtatanong, uunahin muna namin itong natanggap naming email tungkol sa mga pangyayari sa ahensiya kamakailan.

From: "Gonzales, Junie (MNL-LWW)" <junie.gonzales@loweworldwide.com>
Date: Sun, 16 Nov 2008 23:14:34 -0600
To: LWW MNL All Staff <LWWMNLAllStaff@corp.ipgnetwork.com>
Conversation: STOP OR START ?
Subject: STOP OR START ?

Dear All,

After 20 years with the company, I've concluded that the hardest thing for me to do is how to start. Whether working on a new project or in this case writing a goodbye letter, or is it a letter of goodbye ( anong mas tamaTina?) Well anyway I think the rule of thumb is "to make it simple."So please allow me to say a simple goodbye to two groups of people.

First to those who would stay on board. You may be a bit fewer in numbers Now, but this can be an opportunity to be more solid. To focus more on a common goal. May you come up with more big brand ideas, help each other to win more pitches and take good care of existing clients. I remember that Mr. Tony Wright wrote something like... The greatest accolade that an advertising agency can receive is when they earn the trust and respect of their clients and in return reward them with more of their brands.

To the second group who would be leaving the ship to make it a little lighter, I would say that it's but natural for us to focus on what was lost Rather than on what was gained. Because we only need our eyes to see what Was lost, but we need a heart filled with faith to see what was gained.But mind you, God can use our life's STOPS, to prepare us for the next START! And it's always better.

After last week's General Staff Meeting I've seen so many sad and worried faces and that includes me. It's so easy to see what retrenchment can do.But the next day after the smoke somewhat settled down God showed me what it cannot do. When I saw friends saying goodbye and hugging each other, I said to myself...Retrenchment you are sooo LIMITED! You cannot kill FRIENDSHIP.You cannot shut out HAPPY MEMORIES and most all, you cannot cripple LOVE!

I LOVE YOU ALL!
Junie

PS.
I believe that one of reason's God placed me in this agency is to share with you His gift of salvation. The reason why Jesus was born one night in a stable. This Christmas may everyone receive this Gift of Eternal Life.

If you want to receive His Gift, pray this simple prayer with all your heart:

Dear Jesus please forgive me of my sins.
I Believe that you died on the cross and rose again
To save me and bring me back to your kingdom.
Please save me Lord. I want you to be my Savior.
Please let your Holy Spirit dwell in my heart
That I may do your perfect will in my life.
In Jesus name...Amen.

Dito namin nakita (at kinaiinggitan) ang husay ng mga tao sa ahensiya. Nakuha ng art director na maisulat ang tunay na sentimyento ng mga tao.

Kaya naman sa kahulihang pagalis niya ay pinapurian siya ng buong departamento. Lahat sila ay tumayo at pinalakpakan siya habang palabas ng pinto. (Wala raw si boss sa mga panahon na iyon kaya hindi namin alam kung anong reaksyon niya sa mga pangyayari. Nguni't nakasisiguro kami na may magkukuwento sa kanya. Sino kaya?)

p.s.
Sinisiyasat pa namin ang ibang balita tungkol sa mga pangyayari nung nakaraang huwebes at biyernes. Hayaan ninyo at idadagdag namin ito sa lalong madaling panahon.

TV or not TV

2008-10-15T08:39:00.000-07:00

Taon taon ay inaabangan ng mga tao ang tinatawag na Ad of the Year Awards. Ang bumubuo sa hurado nito ay mga ECD ng iba't ibang ahensiya. Sila ang inatasang hatulan ang mga entry dahil bilang ECD sila'y dapat may kakayahan, kagalingan, karansan at kahustuhan ng isip na maging makatarungan sa kanilang paghahatol.

Eto ang nangyari sa nakaraang hatulan.

Magkasama ang lahat ng mga huwes para talakayin o, kung kinakailangan, pagtalunan ang mga entry ng mga ahensiya. Ang pinaguusapan noon ay ang mga entry para sa telebisyon kung saan isinali ang isang kampanya para sa isang pagdiriwang ng mga pelikula. Pinagtatalunan nila kung ito ay dapat maging finalist lamang, o manalo ng tanso, pilak o ginto.

(Kung hindi ninyo naaalala ang seryeng ito.

Ang unang kwento ay tungkol sa isang batang nadapa habang tumatakbo sa tulay. Muntikan na siyang mahulog sa ilog kaya bigay todo ang pagiyak niya. Lumapit ang kanyang nakatatandang kapatid at sinabihang, "subtle lang, subtle". Ito ay pinamagatang "Directors".

Ang ikalawa ay tungkol sa batang nagbabasa ng kwento sa kanyang kapatid habang nakahiga sa kama. Ito ay pinamagatang "Scriptwriters".

Sa pangatlo naman ay may isang litratistang dayuhan na naglalakad sa tambakan ng basura. Ang isa sa kanila ay may nadatnang batang gusgusin at pumuwesto upang kunan ng letrato, pero pinigilan siya ng bata. Naghalungkat muna ang bata ng basura sa tabi niya hanggang nakahanap siya ng styropor na lalagyan ng fastfood. Pinagpag niya ang styro at pagkatapos ay binuksan ito at inayos ang angulo para mailawan ang kanyang mukha. Tsaka laman siya ngumiti para magpakuha ng letrato. Ito ay pinamagatang "Cinematographers".)

Halos lahat ng mga huwes ay sangayon na maganda naman ang serye at karapatdapat manalo. Ang nag-iisang sumalungat ay si boss.

Tutol daw siya sa ikatlong kwento. Walang kahiya-hiya niyang tinanong sa lahat ng mag kasama niya, "If it's about cinematographers, why is the child not holding the camera?"

Nagtaka ang mga kapwa niyang ECD kung talaga bang may alam si boss tungkol sa trabaho niya. Halatang halata sa tanong niya na wala siyang kamuwang-muwang kung ano ang cinematographer at kung ano ang trabaho nito. Mabuti na lang ay nagmagandang loob na lamang ang isang huwes sa tabi niya at pabulong na ipinaliwanag kay boss kung ano talaga ang gawain ng cinematographer. Tumango na lang si boss habang ang ibang mga huwes na nasa likuran ay pinipigilan ang pagtatawa at pagngingisi nila. Ang tanong nila sa isa't isa ay kung paano si boss naging ECD.

Laking gulat na lang namin nang malaman na si boss ay imbitadong magsalita sa isang panayam kung saan ang paksa na paguusapan niya ay "What's new on TV"

English 101

2008-10-13T03:55:00.000-07:00

Maraming kwentong umaabot sa amin tungkol sa pagpapakita ng mga konsepto sa boss o ang tinatawag na pag-clear.

Isang araw daw ay pagkatapos mag-clear ng mga tao ay sinabi ni boss na, "you do the tagalog ideas and I'll do the english ones because I'm better at it." Walang imik na lumabas ang mga tao sa kuwarto ni boss dahil nainsulto sila sa baba ng pagtingin sa kanilang kakayahan sa wikang ingles.

Nguni't ang kanilang sama ng loob ay panandalian lamang at agad-agad naging katuwa-tuwa dahil sa pagpapakitang gilas ni boss sa kanyang kahusayan at pagkakaalam ng wikang ingles.

Sa isang pag-clear ay sinabihan niya ang isang manunulat na palitan ang naisulat kasi "the word flavorful does not exist in the english language."

Tingnan niyo na lang ang mga diksiyonaryo ninyo kung totoo ang sabi ni boss.

Spotted

2008-10-07T05:02:00.000-07:00

Kung naaalala ninyo, may isang nakaraang kwento (Laban at Bawi) kung san nagpalit ng isip si boss tungkol sa oras ng pagpasok ng mga tao. Ang dating oras na pagpasok na alas-9:00 ay ginawa niyang alas-9:30 na lang.

Akala namin ay gusto niyang gumaang ang loob ng mga tao sa kanya. Nguni't nagkamali pala kami. Alam na namin ngayon kung bakit niya ginawa iyon. May mga nakakita kasi sa kanya sa isang gusali sa may kanto ng Buendia at Ayala. Nageensayo siya sa isang gym dun tuwing alas 8:00.

Ang sabi ng mga tao ay "diba dati umaangal siya na puro gym lang daw ang inaatupag ng mga tao (Proclamation 1105)? E nasan na siya ngayon?"

Sa hilig ni boss na parating magsalita ng patapos ay mukhang madalas ay bumabalik sa kanya at kinakagat siya sa...

xoxo

Pi-pitch-ugin

2008-09-24T23:45:00.000-07:00

Bukod sa manalo ng award para sa ahensiya (maski hindi naman talaga ahensiya ang gumawa ng trabaho -basahin niyo na lang ang Kodak moment), isa rin sa mga tungkulin ni boss ay mamuno sa mga pitch at maipanalo.

Talaga namang pinagsisikapan ni boss ang pagtrabaho ng pitch. Kasi, sa higit ng isang taon ay iilan lang ang mga imbitasyon sa ahensiya. Hindi ata alam ni boss (o ng presidente) na ang dahilan kung bakit hindi sila naiimbita sa mga pitch ay dahil ayaw ng mga kliyente kay boss. May isa pa ngang pitch kung saan nakiusap ang kliyente sa taga-accounts na wag daw ipag-present si boss.

Naiinis naman ang mga tao ni boss tuwing may pitch dahil nung nakaraan daw ay pinapasok ni boss ang mga tao ng sabado at linggo para magtrabaho para sa pitch. Kaya lang hindi naman siya sumipot. (Ito rin daw ang isa sa mga dahilan kung bakit umalis ang isang tagapamatnugot)

Sa lahat ng mga pitch na sinalihan niya ay natalo si boss. Ang nagiisang napanalunan ay talagang hindi dapat kabilang dahil ito ay isang "activation" lamang. Kung baga, isang project lang at hindi buong kampanya. Ang mga pitch naman kung san wala o hindi kasali si boss (kesyo nasa ibang bansa o kung anuman) ay napapanalunan naman ng ahensiya. Tila tama ang suspetsa na talagang hindi nakukuha ni boss ang pulso ng Pilipino.

Pero ayaw pa rin magpatalo ni boss dahil ang dating boss ay 100% ang record sa pagkapanalo ng pitch sa kanyang linipatang ahensiya. Kaya tuloy, pati mga pipityuging kliyente ay pinapatulan na niya. Kailan lang ay nag pitch siya para sa isang alahera sa Glorietta (na itago natin sa pangalang your diamond) at sa isang snack food na itago natin sa pangalang tingaling. Yung isa ay talo uli habang hinihintay pa raw ang balita tungkol sa isa.

Abangan ang kwento tungkol sa isang pitch para sa industriya (na hindi rin napanalunan ni boss, pero hindi yun ang punchline).

Dagdag bawas

2008-09-05T00:03:00.000-07:00

Naku! Nadagdagan pa ang pagbawas ng mga tao sa departamento ni boss. Dalawang tagapamatnugot ay nagpadala ng sulat ng kanilang pagbibitiw ng tungkulin.

Ang naunang nagbigay ng sulat ay higit sa labinlimang taong nasa ahensiya. Noong Enero ay magpapaalam sana siya sa boss para magpahinga ng sandali at kumonsulta sa kanyang doktor. (Siya kasi'y inoperahan sa puso noong nakaraang taon at kinakailangan niyang magpa-checkup taon-taon.)

Hindi siya pinayagan ni boss. Wala raw ibang pwedeng mamahala sa mga proyekto ng kanyang grupo. Nabagok siya sa dahilang ibinigay ni boss.

Buti na lang ay may ibang taong nagmagandang loob at ibinalita ito sa presidente ng ahensiya. Kinausap ng presidente si boss at sa pilitan ay pinayagan na rin niyang magbakasyon.

Pagkalipas ng isang linggo, sumunod naman ang pangalawang tagapamatnugot na higit sa dalawampung taon nang nasa ahensiya. Hindi na nagulat ang mga tao dahil nakasanayan na nila ang sunod sunod na pagalis ng mga tao. Ito daw ang tinatawag nilang "second wave".

Bawas dagdag

2008-09-02T22:48:00.000-07:00

Sa labinlimang taong umalis sa ahensiya, sampu dun ay galing sa departamento ni boss. Pinagsikapan naman ni boss na kumausap ng mga taong maaring pumalit sa kanila, sa dami ng mga nakausap ni boss, ito ang mga tumanggap ng kanyang alok.

Isang sekretarya.
Dalawang taga traffic.
Isang art director (na kapatid ng president ng ahensiya).

Maligayang pagdating sa inyo.

Kodak moment (part 2)

2008-08-12T05:21:00.000-07:00

Isa sa mga pangalan ay paguusapan namin ngayon. Tulad ni boss, hindi rin maganda ang pagtingin ng mga tao dito. Kung sisiyasatin natin ang mga entry ng ahensiya, mapapansin na bukod kay boss, itong isang pangalan ay parating naisasama rin. Kaya tuloy pinupuna ng mga tao ang araw-araw na pagdalo nito sa kwarto ni boss na parating nakasara pa ang pintuan.

Ang paniniwala ng mga tao ay, tulad ni boss pakay lang nito ay pasikatin ang sariling pangalan. (Kaya okay lang sa kanya na iniwan siya ni boss at nauna nang tumungtong sa entablado sa Subic para tanggapin ang tansong kinagigiliwan)

Dati ay sinubukan tanungin ng isang empleyado kung bakit kasama ang pangalan nito sa mga credits, e wala naman daw siyang naitutulong sa paglikha ng konsepto. Hindi ito pinansin ni boss. Kaya tuloy kung anu-anong pangalan ang naibansag sa kanya tulad ng Mini Me, Santa Claus, at marami pang iba.

Kodak moment

2008-07-31T04:30:00.000-07:00

Eto po ang ipinadalang litrato sa amin kung saan ipinahayag ang pagkapanalo ng tanso ni boss sa isang tanghalan. Pansinin po ang mga nakalista sa credits.

Unahin natin ang kliyente. Ito po ay isang maliit na palabahan na makikita ninyo sa kalyeng Valero sa Makati. Kayo na lang po ang humusga kung kaya nilang gumastos para sa mga "postcard" na ito. (Kung hindi niyo pa nakikita, tanungin niyo na lang ang mga ECD at CD ninyo dahil sinigurado ni boss na lahat sila ay makakatanggap nito)

Tungkol naman sa mga taong nakalista, tatlo dun ay hindi mga empleyado ng ahensiya. (Kasama sila sa mga pangalang nailista namin sa Bagong Kawani noong nakaraan). Kaya naman talagang nagpipilit bumalik parati ang tanong "sino ba talaga ang makikinabang?"

Labat At Bawi (ang susunod na kabanata)

2008-07-23T03:56:00.000-07:00

Tulad ng nasabi sa nakaraang kwento, pinagsisikapan ng boss ibahin ang pagtingin sa kanya ng mga tao. (Paikot-ikot pa nga sa opisina't kunwaring tumitingin sa mga ginagawa ng mga tao, pero wala namang kinakausap) Hindi pa rin niya naiintindihan na ang gusto lamang nila ay siya'y maging tunay na halimbawa ng kanyang mga palatuntunin. Ang naaalala nila'y si boss mismo ang nagbitiw ng mga salitang "I don't want talkers in this agency, I want walkers."

Kaya noong ipinalabas niya ang email kung saan nakalista ang mga taong atrasadong pumasok, ang binigyan nila ng pansin ay ang hindi pagkasulat ng oras ng pagpasak ni boss. (Na alam nila ay mas huli pa rin sa kanyang bagong tinakdaang oras).

Sino ba talaga ang "talker" at sino ang "walker"?

Laban At Bawi

2008-07-21T04:46:00.000-07:00

Palabang ipinahayag ni boss na dapat pumasok ang mga tao ng alas-9 (taliwas man ito sa employee handbook), kaya pinagsikapan ng mga taong pumasok ng maaga dahil lahat naman sila ay masusunuring mga tao. Sa totoo lang, nabawasan rin naman ang mga taong atrasadong pumasok. Nguni't naghihimutok sila dahil madalas ay nauunahan nila si boss sa pagpasok, bakit ba daw ang nagdidikta ay siya mismong nagbibigo?

Noong nakaraang buwan ay nagtawag ng meeting ang boss kung saan ibinago niya ang patakaran. Alas-9:30 na lang daw ang pasukan ng mga tao (na taliwas pa rin sa employee handbook). Sa madaling salita ay binabawi niya ang batas na siya mismo ang nagdikta. Akala niya siguro ay maiiba ang tingin ng mga tao at siya'y magiging magiliw sa kanilang mga mata.

Sana.

Sabi na nga ba

2008-06-04T22:17:00.000-07:00

Isang araw, magkasama si boss at isang taga-accounts. Dahil nabalitaan ng taga-accounts ang mga damdamin ng mga tauhan ni boss sa opisina, nag-magandang loob siya at kinausap si boss.

Ani niya, "Maybe you can spend more time with the creatives, you know, talk to them, bond with them. It might lead to a healthier, better working environment".

Ang sagot ni boss ay "No! They should adjust to me".

Walang masabi ang taga-accounts at nanahimik na lamang.

5-6

2008-06-02T04:14:00.000-07:00

Hindi po tungkol sa mga bumbay ang kwentong ito. Sa totoo lang, ito ay tungkol sa pag-announce ng award na napanalunan ng ahensiya.

May email na ipinadala ang boss kung saan ay ipinasasalamatan niya ang mga tumulong sa paggawa ng ad na nanalo ng tanso sa isang award show kamakailan lang.

Ang pamagat ng email ay "The Fab Five". Maganda sana ang intensiyon ni Boss at ginawan pa ng konsepto ang kanyang sulat. Ang problema lang ay anim ang pangalang nakalista dun. At puro mga taga-accounts at print production lamang. Maganda man ang balita ng pagkapanalo kailangan namin itanong, bakit hindi kasama sa sinabing email ang mga pangalan ng mga taga-creative?

Nang maimbestiga, nalaman namin na ang mga creative ay yoong mga nakalista sa entry na pinamamagatang Bagong Kawani. Sa madaling salita, hindi sila mga empleyado ng ahensiya.

Kaya naman pala sa text blast ng isang magasin ang nakasulat sa text ay "Congratulations to (boss) and his team" hindi binanggit ang ahensiya.

Dapat siguro ulitin ang tanong namin sa Bagong Kawani. "Ang ahensiya ba talaga ang makikinabang?"

Aba, kada buwan

2008-05-08T22:59:00.000-07:00

Noong Marso nagumpisa ang pagaalisan ng mga tao. Kung tutuosin, labinlima na sila, kaya halos linggu-linggo ay meron at higit sa kalahati sa kanila ay tauhan ni boss. Kung pagsasamasamahin, silang lahat ay nagtrabaho sa ahensiya ng higit kumulang na syamnapung taon, kaya hindi lang sila mga kung sinu-sino na hindi mapakali. Tila may mga hinanakit ang iba sa kanila na ayaw paniwalaan ng boss ni boss.

Ayon sa kanilang mga apelyido,
A,C,C,D,G,J,L,M,N,O,Q,S,T,V,V

At balita namin ay sa mga susunod na linggo ay madadagdagan pa ito. Isa-isa nang naiku-kumpleto ang alpabeto.

Mr DJ

2008-04-29T22:47:00.000-07:00

Naimbita ang ahensiya sa isang pitch para sa isang produkto ng kliyente nila. Siempre naakit sila sa panibagong pagkakataong magpakitang gilas.

May request lang kami, kung pwede sana, hiling ng kliyente (itago natin sa pangalang Ester).

Ano yun? tanong ng taga accounts.

Mas maigi sana kung hindi na isama si Boss pag nag-present ninyo, mapitagang sinabi ni Ester.

Naiintindihan ko, sagot ng taga accounts.

----------

Bakit ganun? tanong ninyo.

Itong si Ester kasi ay tauhan ni Ruffa (basahin ang kwentong "Barilan" kung hindi niyo siya kilala.

Amendment 414

2008-04-21T00:24:00.000-07:00

Ay, isang buwan na pala ang nakalipas. Patawad po't hindi namin naibabalita ang mga karagdagang pangyayari. Hayaan niyo't babawi kami.

Bukod sa mga sinabi ni boss noong Proclamation 1105, may mga bagong patakaran sa ahensiya.

1) Bawal umupo sa sahig
2) Bawal rin magbasa ng dyaryo kapag office hours.

Ayon sa boss, ang mga gawaing ito ay nakakasira sa "integrity of the agency".

Tanungin niyo na lang ang mga taga-ahensiya para sa buong kwento.

Bagong Kawani

2008-03-03T06:02:00.000-08:00

Laking gulat ng mga tao sa ahensiya ng malaman nila na mayroong mga bagong empleyadong hindi pa nila nakikilala.

Nadatnan kasi nila sa isang pahayagan na may ad na gawa daw ng ahensiya nila. Nguni't bukod sa pangalan ni boss ay nasa listahan ng credits ang mga pangalang Dylan See, John Foster, Somjai Satjatham at Edward Loh. Wala silang kakilalang ganun sa opisina. Tiningnan pa nga nila sa direktoryo ng ahensiya nguni't hindi talaga nila mahanap ang ni isang pangalan.

Sa pagtatanong ay nalaman din nila ang katotohanan. Ang mga ad na yun ay baon pala ni boss mula sa dati niyang ahensiya sa ibang bansa. Hindi namin matiyak kung yun ay hindi pumasa sa kanyang dating boss o kaya't hindi nahanapan ng kliyenteng makumbinseng gumawa ng scam. Ang puno't dulo ay hindi yun gawa ng mga tao sa ahensiya dito pero ipinadala pa rin ni boss sa kung anu-anong awards show sa pangalan ng ahensiya.

Kung manalo man ito, ang ahensiya ba talaga ang makikinabang?

Wala sa oras

2008-02-20T03:55:00.000-08:00

Tulad sa nasabi sa Proclamation 1105, ang gusto lang naman ng tao ay si Boss ay maging huwaran na susundan nila. Kung oras ng trabaho ay dapat nagta-trabaho. Kung sinabing lahat ay dapat pumasok bago mag alas-9 (taliwas man ito sa nakasulat sa Employee Handbook ng ahensiya) ay dapat siya rin.

May karagdagang pangyayari na nagpatindi pa sa kanilang inis sa boss. Isang hapon, mga alas-2 ata yun, ay pipila sana ang mga team sa labas ng kwarto niya upang magpakita ng mga konsepto. Nguni't sarado ang pinto. Akala nila'y kausap na naman ang kanyang dakilang kaanib. Nakasanayan na kasi nilang madatnan ang dalawa na naguusap sa loob at tila'y nag-iisip ng paraang gumawa pa ng mga scam ad. Pero nang makasilip sila sa loob, iba ang nakita nila.

Si boss ay nakahilata sa sofa, tulog.

Ang takot lang nilang kumatok para gisinging ang boss. Kaya pinagusapan na lang nila kung ano kaya ang gagawin ng boss kung sila naman ay madatnang tulog.

Sari-sari stories

2008-01-23T02:19:00.000-08:00

Mga napulot na balita noong ad congress.

Ayon sa mga ibang judge, noong nagsamasama sila para sa judging, ay talagang inikot ni boss ang bawa't judge at nagpakilala. Okay naman sana yun. Kaya lang sinundan pa niya ng buong kasaysayan ng kanyang advertising career. Ang pakiramdam nila ay parang ipinagpipilitan niyang patunayan ang kanyang pagkasapi. Sabi nga ng isang judge, "kailangan pa ba yun?"

Napansin rin nila noong awards night na paumpisa pa lang basahin ang pamagat ng kanyang lahok ay naroon na siya sa entablado, tangan ang tansong napanalunan. Ni hindi niya hinintay ang kanyang head of art na kasabwat sa paglikha ng scam ad na iyon para sabay man lang sana silang umakyat. "Napakaatat naman" sabi nung isa "parang first timer."

Barilan (Huling Kabanta, sana)

2008-01-02T14:41:00.000-08:00

Sa mga gustong malaman kung sino ang kliyenteng pinaguusapan sa unang kabanata, ang clue ay "let's go back to the sofa then")

Para sa mga may duda pa tungkol sa pinanggagalingan ng inis ng mga tao sa boss, eto na po ang susunod na kabanata.

Ang sagot ng taga accounts sa text ay isang galit na "YES!" nguni't dahil naiwan nga siya sa opisina ng kliyente ay nagtimpi siya at humingi ng paumanhin sa ginawa ni boss. Damage control baga.

Sa galit ng taga-accounts ay binalak niyang isumbong ang nangyari sa presidente ng ahensiya. Pagkatapos ng meeting ay tinawagan niya ito, pero bago pa man maikwento ang mga pangyayari ay sinabi ng presidente na alam na niya ang kwento. Napalagay ng kaunti ang taga-accounts dahil akala niya na umamin ng kasalanan ang boss.

Sa mga sumunod na araw ay kumalat na ang balita sa ahensiya kaya't mas nadismaya ang mga tao sa naipakitang masamang ugali ni boss (tila wala siyang natutunan tungkol sa kultura ng mga asyano sa kanyang sandosenang taong naninirahan sa asia).

Pero wala pa tayo sa katapusan ng kwento. Lumala pa nga.

Habang pinaguusapan ng mga tao sa ahensiya ay nagulat sila nang malaman na may version 2 ang kwento. Kaloka! ika nga ng mga bading. Iba raw ang isinalaysay na kwento ni boss sa presidente. Kaya naman mas lalong nainis ang mga tao at nawalan ng respeto sa boss. Imbes na maging lalake at aminin ang kanyang pagkakamali ay nagawa pang ibahin ang kwento.

Ewan lang namin kung umabot sa presidente ang totoong kwento para sana'y mapagsabihan si boss.

Confeermed

2007-12-26T07:38:00.000-08:00

Pasingit lang po ng balita.

Pagkatapos niyang magpahinga ng ilang buwan dahil na-ospital siya ay tuluyang nang nag-resign ang isang taong nasa mataas na posisyon sa ahensiya.

Bago pa man siya ma-operahan ay may ilang beses nang hindi sila magkasundo ni boss tungkol sa trabaho. Ayaw na niyang hintayin ang kanyang retirement sa darating na taon. Isinangtabi na lang niya ang milyun-milyon sana'y makukuha niya. Hindi daw yun makapagbabayad sa pangiinsulto sa kanya noong nagmura si boss at ang iba pang kakaibang ugali nito. Kaya niyang itong panindigan dahil talaga namang hindi niya kailangang magtrabaho. Aalagan na lang niya ang kanyang asawa't mga anak sa bahay nila sa Alabang.

Ang mga naiwan naman ay mas gugustuhin na rin sanang umalis kudi lang umaasa sa kanila ang mga pamilya, magulang o kapatid nila. Sana maintindihin natin sila bago natin husgahan at sabihang, "e di lumayas na rin kayo."

Barilan (Unang Kabanata)

2007-12-19T08:04:00.000-08:00

Tila maraming mapaghusgang tao ang nagbabasa ng blog na ito kaya hahayaan ko na lang kayo maghatol kung tama o mali ito.

Noong panahon ng dating boss ay napanalo na ng ilang beses ng mga award ang produkto ng kliyenteng ito. Ito siguro ang dahilan kung kaya't naisip ni bagong boss na siya mismo ang gagawa ng kanilang bagong kampanya. Magpasikat, baga. Kaya naman pinagsikapan niya ng ilang araw at sinabi ring siya mismo ang maglalahad nito sa kliyente.

Pagdating sa client presentation ay nandun ang namumuno sa marketing (itago natin sa pangalang Ruffa) at ang brand manager. Ikinwento ni boss ang dalawang storyboard na bunga ng kanyang kakayahan.

Bang! Bang!

Binaril ni Ruffa ang dalawang konsepto. Sabi ni boss, "Well, let's go back to the sofa then" sabay tumayo at umalis dala-dala ang mga storyboard. Naiwang nakatunganga ang mga kliyente pati na rin ang taga-accounts na iniwan niya.

Mayamaya ay nakatanggap ng text ang taga-accounts. "Was I too harsh?" ang tanong ni boss.

Ano ang isasagot ninyo?

Strike Two

2007-12-05T09:22:00.000-08:00

Mukhang di pa rin naintindihan ng boss ang kanyang malaking pagkakamali sa pagcc (basahin ang mga naunang post kung ngayon niyo lang nasadya ang blog na ito) dahil eto na naman siya.

May mga tinatawag na "regional brands" ang ahensiya. Sa madaling salita, ang mga patalastas para sa isang produktong binebenta sa isang rehiyon ay nililikha ng isang ahensiya lamang (kaya maaring ipagyabang na ang galing ng Pilipino sa advertising ay pang export din).

May isang meeting para sa isang regional brand kung san may kasamang regional account person na dayuhan din (itago natin sa pangalang Ruben). Hindi magkasundo si boss at itong si Ruben tungkol sa gagawing trabahao para sa brand. Kulang na lang daw ay magsuntukan ang dalawa.

Ang puno't dulo ay sinumpa ng boss na hindi na daw siya gagawa ng trabaho para sa brand na yun dahil ayaw niya kay Ruben.

Ang tanong ay, kelan ba nagkaroon ng boss na namimili kung aling trabaho ang gagawin niya at alin ang hindi? Ibigay kaya niya ang bahagi ng kanyang sweldo sa mga taong gagawa ng trabaho niya?

Baka dapat bumalik na lang siya sa pag freelance?

Talkin' talk

2007-11-28T07:15:00.000-08:00

Dahil sa pag announce ng boss na lahat ay dapat nasa opisina ng 9am, kinabukasan ay talaga namang pinagsikapan ng mga taong pumasok ng maaga. Masunurin naman talaga sila e.

Nguni't hindi sila mabahala dahil ang boss na nagbitaw ng salita na "I will tear another fucking asshole in you" kung late pumasok ang mga tao, ay pumasok ng pasado alas-9. Hindi 9:01 o 9:05 kundi 9:30. Napipikon sila dahil hindi naman sikreto sa kanila na ang tirahan ng boss ay nasa kabilang kanto lamang (sa condominium sa taas ng union church para sa mga chismoso't chismosa).

Sa totoo lang, sa ilang linggong nakalipas pagkatapos ng proclamation 1105 ay dalawang beses lang maagang nakapasok ang boss, 8:50 at 8:59.

Sa nasabing "sermon" ay sinabi ni boss na "I don't want talkers in this agency, I want walkers." Ngayon ay inis na inis ang mga tao dahil ang boss na siyang lumikha ng mga patakaran ay siya ring lumalabag. Ika nga ng isa tao, "maybe he should take a walk."

100 KPH

2007-11-26T09:12:00.000-08:00

Ilang oras pa lang ang nakalipas ay nagsipasukan na ang mga text message at tawag galing sa iba't ibang ahensiya. Lahat nagtatanong kung totoong may "Martial Lowe" na daw.

Imbes na makilala ang ahensiya dahil sa sinasabing galing ng bagong boss, pinagtatawanan ang kanyang gawain.

Kawawa naman ang mga tao dun. Buong hapon ay tulala sila at hindi maintindihan ang pinanggalingan ng "script" (na ayon sa chismis ay ipinakita pa daw muna sa presidente). Ang daing nila'y, sa apat na buwang naroon ang bagong boss, ni isang beses ay wala raw siyang sinita o sinabihan tungkol sa mga gusto't ayaw niya sa ahensiya. Ni CD, secretary o janitor.

At kailangan ba daw magmura? Pakiramdam daw ng mga babae ay binastos sila. Parang nga.

Proclamation 1105

2007-11-26T08:31:00.000-08:00

Nung kamakailang lunes ng hapon ay ipinatawag ng boss ang buong department para sa isang meeting (ito ay pagkatapos i-announce ng presidente noong umaga na mukhang walang bonus ang ahensya ngayong taon, kaya medyo matamlay ang pakiramdam ng lahat).

Pagpasok ng boss ay may hawak na papel. akala nila ay kung anu-anong papeles lang yun. Nguni't nagulat sila nang nagumpisang basahin ng boss ang nakasulat sa papel.

Aba, may script ang kanyang pagse-sermon (o pagbu-bula ika nga ng mga bading). Natulala ang mga tao. Hindi sila makapaniwala. Hindi nila alam kung matatawa sila o makikinig (siguro hindi nga siya katoliko dahil hindi niya alam na, sa pilipinas, pari lang ang nagbabasa ng sermon).

Nagagalit daw siya dahil nakakita daw siya ng taong naga-ahit sa banyo sa umaga. Naiirita daw siyang makakakita ng nag-gy-gym. At kung anu-ano pang mga nakakalokang hirit na siningitan niya ng mga murang may "fuck" o "fucking" (siguro akala niya ay dadagdag ito sa dramatic effect ng kanyang script)

Base sa kanyang mga obersbasyon sa mga nakaraang buwan, mayroon daw siyang mga bagong patakaran na binansagan kong proclamation 1105 (alang-alang sa yumaong presidente, na tila gusto niyang sundan)

1) bawal ang magahit sa banyo pagkatapos ng 9am

2) bawal ang magsipilyo pagkatapos ng 9am at 1:30pm

3) bawal manood ng mga tv show sa computer

4) lahat ng mga tao ay dapat nasa opisina ng 9am, ang mala-late ay kakaltasan ng half-day leave

Kung hindi ito masunod, iqu-quote ko ang sinabi niya,

"I will tear another fucking asshole in you"

Higit kumulang ng 7 ang mga kanyang binitiwang mga mura. nguni't sa huli ay lumabas din ang pakay ng kanyang "sermon" ng sinabi niyang

"I have a two year contract with the agency ... part of the evaluation of my performance includes winning awards"

Sa madaling salita, kayo ang magta-trabaho para sa akin para sumikat ako.

Crossing, Ibabaw

2007-11-18T15:22:00.000-08:00

Bukod sa mataas na sweldo at tirahan, kasama sa package ng boss ang isang sasakyan. Toyota Fortuner ang kanyang pinili.

Isang araw ay nag-joyride daw ang boss at si Liz (may nag-email sa amin na yun daw ang pangalan ng babae). Habang nagmamaneho sa edsa ay na-trapik sila at tila umiinit ang ulo ni boss. Sabi ng babae na wala namang trapik sa kanang lane kaya dun na lang sila dumaan. Sabi ni boss na mukhang bawal ata dun. Sagot naman si liz na hindi daw dahil parati naman daw siyang dumadaan dun. E di sumunod ang boss at kinabig ang manibela.

Ilang metro pa lang silang naka-abante ng biglang. PRRRRT!

Huli!

Ano kaya ang parating sinasakyan ni liz na hindi siya nahuhuli pag dumadaan dun?

Pasakalye

2007-11-18T03:19:00.000-08:00

Maiba naman ang usapan.

Hindi lang pala award ang gustong hakutin ng bagong boss. May ila-ilang nakakita sa kanyang naglalakad sa mga kalye ng Makati na may kasabay na babae.

Hindi lang matiyak sa ngayon kung sino ang naka jackpot.

Dahil nababalita rin na may anak na ang babaeng ito

Malaking pag-cc

2007-11-16T09:06:00.000-08:00

Isang araw, nakatanggap ng contact report and boss tungkol sa isang client meeting. Nabasa niya na hindi napa-approve ang ipinakitang storyboard. Dahil kanyang konsepto yun, nagalit ang boss at nag-reply kaagad sa email na kailangang mai-present uli ng accounts sa kliyente dahil mali ang kliyente.

Sana lang hindi siya nag-click ng "reply to all" dahil kasama ang kliyente sa naka-cc.

Pop quiz

2007-11-11T09:53:00.000-08:00

Fill in the blanks.

freelancer ba ang sagot?

Sino ang mala-lanse?

Meron na

2007-11-11T09:09:00.000-08:00

Nang i-announce ang bagong boss, ginoogle ng mga empleyado ang pangalan niya.

Nagulat sila sa dami ng "hits." E hindi pala siya yun. Yung isa pintor, tapos may sportswriter, machine operator, publisher, real estate agent, curator, pati detective may kapangalan. Siguro dapat imbestigahan pa.